తెలంగాణ పబ్లిక్ సర్వీస్ కమిషన్ ద్వారా 5,800 పోస్టుల భర్తీకి కసరత్తు

హైదరాబాద్: రాష్ట్రవ్యాప్తంగా నిరుద్యోగ యువత ఎంతో ఆసక్తిగా ఎదురుచూస్తున్న ఉద్యోగ నియామకాల ప్రక్రియను టీజీపీఎస్సీ వేగవంతం చేసింది. వివిధ శాఖల నుంచి అందిన ఖాళీల వివరాలను క్రోడీకరిస్తున్నారు.

మొత్తం 5,800 గెజిటెడ్, నాన్-గెజిటెడ్ పోస్టుల భర్తీకి సంబంధించి రోస్టర్ పాయింట్ల పరిశీలన దాదాపు ముగింపు దశకు చేరుకుంది. పరీక్షల షెడ్యూల్ పారదర్శకంగా ఉంటుందని కమిషన్ వెల్లడించింది.