తెలంగాణలో గ్రామ పంచాయతీ ఎన్నికలకు కసరత్తు: గ్రామాల్లో పెరిగిన రాజకీయ సందడి

హైదరాబాద్: తెలంగాణలో స్థానిక సంస్థల ఎన్నికల నిర్వహణకు కసరత్తు వేగవంతమైంది. రాష్ట్రవ్యాప్తంగా 12 వేలకు పైగా గ్రామ పంచాయతీలకు ఎన్నికల షెడ్యూల్ విడుదల చేసేందుకు ఎన్నికల కమిషన్ ఏర్పాట్లు చేస్తోంది.

వార్డుల విభజన, బీసీ, ఎస్సీ, ఎస్టీ రిజర్వేషన్ల ఖరారు ప్రక్రియను ప్రభుత్వం తుది దశకు చేర్చింది. గ్రామాల్లో సర్పంచ్ ఆశావహులు ఇప్పటికే సన్నాహక సమావేశాలు నిర్వహిస్తున్నారు.